ഖാസിയുടെ മരണം: ബന്ധുക്കളില് നിന്നും മൊഴിയെടുത്തു
ചെമ്പരിക്ക: ചെമ്പരിക്ക ഖാസി സി എം അബ്ദുല്ല മൗലവിയുടെ മരണവുമായി ബന്ധപ്പെട്ട് ബന്ധുക്കളില് നിന്നും കേസന്വേഷിക്കുന്ന ഹൊസ്ദുര്ഗ് സി ഐ കെ അഷ്റഫ് മൊഴിയെടുത്തു. ഖാസിയുടെ വീട്ടിലെത്തിയാണ് സി ഐ മൊഴി രേഖപ്പെടുത്തിയത്. മക്കളായ ഷാഫി, ഉസ്മാന്, മുനീര്, മരുമക്കളായ മുഹമ്മദ് അബ്ദുല്ഖാദര്, ഷാഫി ദേളി, അബ്ബാസ് പടിഞ്ഞാര് എന്നിവരില്നിന്നുമാണ് മൊഴിയെടുത്തത്. ഇതുകൂടാതെ അയല്വാസികളായ മജീദ് ഖത്തര്, ഷാഫി, ഖലീല് എന്നിവരില് നിന്നും സി ഐ മൊഴിയെടുത്തിട്ടുണ്ട്. വെള്ളിയാഴ്ച പരിയാരം മെഡിക്കല് കോളജിലെ പൊലീസ് സര്ജന് ഡോ. കെ ഗോപാലകൃഷ്ണ പിള്ള സംഭവസ്ഥലം സന്ദര്ശിച്ചിരുന്നു. ശാസ്ത്രീയ അന്വേഷണം നടത്തുന്നതിന്റെ ഭാഗമായാണ് പൊലീസ് സര്ജന് സംഭവസ്ഥലത്തെത്തി പരിശോധന നടത്തിയത്. ഖാസിയുടെ വലതു കണ്ണിന് സമീപം കണ്ടെത്തിയ പരിക്ക് എങ്ങനെ സംഭവിച്ചതാണെന്ന് അറിയാനാണ് പൊലീസ് സര്ജന് സംഭവസ്ഥലം സന്ദര്ശിച്ചതെന്ന് സൂചനയുണ്ട്. ഖാസിയുടെ മരണം വെള്ളംകുടിച്ചാണെന്ന് നേരത്തെ തന്നെ പോസ്റ്റുമോര്ട്ടം നടത്തിയ സര്ജന് പൊലീസിനെ അറിയിച്ചിട്ടുണ്ട്. വിശദമായ പോസ്റ്റുമോര്ട്ടം റിപ്പോര്ട്ട് രണ്ടുദിവസത്തിനകം ലഭിക്കുമെന്നാണ് പൊലീസ് പ്രതീക്ഷിക്കുന്നത്. ഖാസിയുടെ ശ്വാസനാളത്തിലും ആമാശയത്തിലും കുടലിലും ഉപ്പുവെള്ളത്തോടൊപ്പം പൂഴിമണല്ത്തരികളുംം അകത്തുകടന്നതായി പോസ്റ്റുമോര്ട്ടത്തില് കണ്ടെത്തിയിട്ടുണ്ട്. ഇതിന്റെ എല്ലാ സാധ്യതകളും പരിശോധിക്കാതെയാണ് പൊലീസിന്റെ ശ്രമം. പൊലീസ് ഇപ്പോഴും സംഭവം അപകടമരണമാണെന്നാണ് വിശ്വസിക്കുന്നതെന്ന് അന്വേഷണ ഉദ്യോഗസ്ഥര് സൂചിപ്പിച്ചു. ഖാസി അടുത്ത കാലത്ത് പങ്കെടുത്ത ചില പരിപാടികളുടെ ചിത്രങ്ങളും വിഡിയോ ദൃശ്യങ്ങളും പൊലീസ് ശേഖരിച്ചിട്ടുണ്ട്. ഖാസി തനിച്ച് നടക്കാറുണ്ടെന്ന് പൊലീസ് ഇതിലൂടെ ഉറപ്പിക്കുന്നു
2010, ഫെബ്രുവരി 20, ശനിയാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ