2010, ഫെബ്രുവരി 25, വ്യാഴാഴ്ച
ചെമ്പരിക്ക ഖാസിയുടെ മരണം: സി.ബി.ഐ അന്വേഷണം ആവശ്യപ്പെട്ട് ഐ.എന്.എല് എസ്. പി ഓഫീസ് മാര്ച്ച് നടത്തി
കാസര്കോട്: ചെമ്പരിക്ക-മംഗലാപുരം ഖാസി സി.എം. അബ്ദുല്ല മൗലവിയുടെ മരണത്തിലെ ദുരൂഹത പുറത്തുകൊണ്ടുവരാന് സി.ബി.ഐ അന്വേഷണം നടത്തണമെന്നാവശ്യപ്പെട്ടുകൊണ്ട് ഐ.എന്.എല് ജില്ലാ കമ്മറ്റിയുടെ ആഭിമുഖ്യത്തില് വ്യാഴാഴ്ച്ച ഉച്ചയോടെ എസ്.പി ഓഫീസിലേക്ക് മാര്ച്ച് നടത്തി. മാര്ച്ച് ജില്ലാ പ്രസിഡണ്ട് കെ.എം. ഷംസുദ്ദീനിന്റെ അദ്ധ്യക്ഷതയില് കാസര്കോട് സംയുക്ത ഖാസി ടി.കെ.എം. ബാവ മുസ്ലിയാര് ഉദ്ഘാടനം ചെയ്തു. കാസര്കോട് ഗവ. കോളേജ് പരിസരത്ത് നിന്നും ആരംഭിച്ച മാര്ച്ചില് നൂറ് കണക്കിന് പ്രവര്ത്തകര് പങ്കെടുത്തു. മാര്ച്ചിന് എസ്.കെ.എസ്.എസ്.എഫ് പ്രവര്ത്തകര് അഭിവാദ്യം ചെയ്തു. എം.ഐ.സി സെക്രട്ടറി യു.എം. അബ്ദുര് റഹ്മാന് മുസ്ലിയാര്, എസ്.എസ്.എഫ് നേതാവ് ഹമീദ് പരപ്പ, എന്.എ. സുലൈമാന്, കെ.എം. ബഷീര്, എം.എ. ലത്തീഫ്, മൊയ്തീന് കുഞ്ഞി കളനാട്, ടി.എം. ഇഖ്ബാല്, ഫക്രുദ്ദീന്, അബ്ബാസ് ബീഗം, മമ്മു ചാല എന്നിവര് പ്രസംഗിച്ചു. എന്.എ. നെല്ലിക്കുന്ന് സ്വഗതം പറഞ്ഞു.
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ