ഖാസി സി.എം. അബ്ദുല്ല മൗലവിയുടെ മയ്യത്ത് ആയിരങ്ങളുടെ സാന്നിദ്ധ്യത്തില് ഖബറടക്കി
Photo: Achu Kasaragod
ചെമ്പരിക്ക: തിങ്കളാഴ്ച്ച രാവിലെ അന്തരിച്ച ചെമ്പരിക്ക-മംഗലാപുരം ഖാസിയും കേരളത്തില് അറിയപ്പെടുന്ന പണ്ഡിതനുമായ സി.എം. അബ്ദുല്ല മൗലവി(77)യുടെ മയ്യത്ത് ആയിരങ്ങളുടെ സാന്നിദ്ധ്യത്തില് ചെമ്പരിക്ക ജുമാമസ്ജിദ് ഖബര്സ്ഥാനില് ഖബറടക്കി. രാവിലെ 9 മണിയോടെ അബ്ദുല്ല മൗലവിയുടെ മയ്യത്ത് ഖബറടക്കത്തിനായി കൊണ്ടുപോകുമ്പോള് തടിച്ചുകൂടിയ ആയിരങ്ങള് വിങ്ങുന്ന മനസ്സുമായാണ് സാക്ഷിയായത്. തുടര്ന്ന് ചെമ്പരിക്ക ജുമാമസ്ജിദ് അങ്കണത്തില് മയ്യത്ത് ഖബറടക്കത്തിനായി എത്തിച്ചു. തൊട്ടടുത്തുള്ള കടപ്പുറത്ത് നടന്ന മയ്യത്ത് നമസ്ക്കാരത്തിന് സമസ്ത സെക്രട്ടറി ചെറുശ്ശേരി സൈനുദ്ദീന് മുസ്ലിയാര് നേതൃത്വം നല്കി. ഇതിന് ശേഷം ആയിരങ്ങളെ സാക്ഷിയാക്കി പിതാവ് സി. മുഹമ്മദ് കുഞ്ഞി മുസ് ലിയാരുടെ മഖാമിന് അടുത്തായാണ് സി.എം. അബ്ദുല്ല മൗലവിയുടെ ഖബറടക്കം നടത്തിയത്. രാവിലെ 10 മണിയോടെയാണ് ഖബറടക്കം നടന്നത്.തുടര്ന്ന് നടന്ന അനുശോചന യോഗത്തില് സി.ടി. അഹമ്മദലി എം.എല്.എ, എന്.എ. മുഹമ്മദ്, മുഹമ്മദ് മുബാറഖ് ഹാജി, ചെര്ക്കളം അബ്ദുല്ല, നാസര് ഫൈസി കൂടത്തായി, അബ്ദുല് റസാഖ് ബുസ്ഥാനി, കല്ലട്ര മാഹിന് ഹാജി, എന്.എ. അബൂബക്കര്, ബഷീര് വെള്ളിക്കോത്ത് എന്നിവര് സംസാരിച്ചു. റഹ്മാന് തുരുത്തി സ്വാഗതം പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ