ഖാദിയുടെ നിര്യാണം സമുദായത്തിന് തീരാനഷ്ടം -മാഅത്തെ ഇസ്ലാമി

കാസര്‍കോട്: ഉത്തരമലബാറിലെ മത^ഭൌതിക വിദ്യാഭ്യാസത്തിന് നേതൃത്വം നല്‍കിയ മഹദ്വ്യക്തിത്വമായിരുന്നു അന്തരിച്ച ഖാദി സി.എം. അബ്ദുല്ല മുസ്ലിയാരെന്ന് ജമാഅത്തെ ഇസ്ലാമി ജില്ലാ സെക്രട്ടേറിയറ്റ് അനുശോചന സന്ദേശത്തില്‍ അറിയിച്ചു. ജാമിഅ സഅദിയ്യയുടെയും മലബാര്‍ ഇസ്ലാമിക് കോംപ്ലക്സിന്റെയും സ്ഥാപകനായ അദ്ദേഹത്തിന്റെ വേര്‍പാട് സമുദായത്തിന് നികത്താനാവാത്ത നഷ്ടമാണ്.പാണ്ഡിത്യംകൊണ്ടും നേതൃപാടവംകൊണ്ടും ഉത്തരമലബാറിലെയും ദക്ഷിണകന്നറയിലെയും മുസ്ലിം സമുദായത്തെ നയിക്കുന്നതില്‍ അദ്ദേഹത്തിന്റെ സാന്നിധ്യം അനിഷേധ്യമായിരുന്നു. യോഗത്തില്‍ ജില്ലാ പ്രസിഡന്റ് പി.കെ. അബൂബക്കര്‍ നദ്വി, എം.എച്ച്. സീതി, സി.എ. മൊയ്തീന്‍കുഞ്ഞി എന്നിവര്‍ സംസാരിച്ചു. ജമാഅത്തെ ഇസ്ലാമി സംസ്ഥാന സെക്രട്ടറി എച്ച്. ഷഹീര്‍ മൌലവി പരേതന്റെ വീട് സന്ദര്‍ശിച്ച് കുടുംബാംഗങ്ങളെ അനുശോചനമറിയിച്ചു